बैंकहरुको ब्याजदर समीक्षाः जेठमा अधिकांश बैंकको ब्याजदर स्थिर, केहीले मात्र गरे परिमार्जन
काठमाडाैं, १ जेष्ठ । अधिकांश बैंकले जेठ महिनामा बैशाखकै ब्याजदरलाई निरन्तरता दिएका छन् । बैंकहरुले मुद्दति निक्षेपमा प्रदान गर्ने ब्याजदरमा सामान्य परिवर्तन गरेका छन् । कतिपय बैंकले ब्याजदर बढाएका छन् भने केहीले घटाएका छन् ।
ब्याजदर बढाउने बैंकहरु:
एभरेष्ट, नेपाल र सानिमा बैंकले ब्याजदरमा वृद्धि गरेका छन् । एभरेष्ट बैंकले बैशाखमा व्यक्तिगत मुद्दति निक्षेपमा ६.६१ प्रतिशत र संस्थागतमा ५.६१ प्रतिशत ब्याज दिएकोमा जेठमा क्रमशः ६.६४ प्रतिशत र ५.६४ प्रतिशत पुर्याएको छ ।
सानिमा बैंकले व्यक्तिगत तर्फ ६.३३ प्रतिशत र संस्थागत तर्फ ४.५ प्रतिशत ब्याज दिने भएको छ । बैशाखमा क्रमशः ५.९५ प्रतिशत र ४.२ प्रतिशत ब्याज दिइएको थियो ।
नेपाल बैंकले व्यक्तिगत तर्फको ब्याजदर ५.१५ बाट ५.४५ प्रतिशत पुर्याएको छ भने संस्थागतमा ४ प्रतिशतलाई यथावत राखेको छ ।
ब्याजदर घटाउने बैंकहरु:
एनआइएमबि, सिद्धार्थ र कुमारी बैंकले भने ब्याजदरमा कमी गरेका छन् । एनआइएमबिले व्यक्तिगत तर्फ ६.५ प्रतिशतबाट ५.५ प्रतिशत र संस्थागत तर्फ ५.१ प्रतिशतबाट ४.५ प्रतिशत झारेको छ ।
सिद्धार्थ बैंकले व्यक्तिगत तर्फ ६ प्रतिशतबाट ५.७५ प्रतिशत र संस्थागत तर्फ ५ प्रतिशतबाट ४.७५ प्रतिशत पुर्याएको छ ।
कुमारी बैंकले पनि व्यक्तिगत तर्फ ५.९२ प्रतिशतबाट ५.९१ प्रतिशत र संस्थागत तर्फ ४.९२ प्रतिशतबाट ४.९१ प्रतिशतमा झारेको छ ।
ब्याजदर यथावत राख्ने बैंकहरु:
१४ वटा बैंकले बैशाखकै ब्याजदरलाई निरन्तरता दिएका छन् । एनएमबि र एनआइसी एशियाले क्रमशः ६.६ प्रतिशत र ५.६ प्रतिशत ब्याजदरलाई कायम राखेका छन् ।
ग्लोबल आइएमई, माछापुच्छ्रे र राष्ट्रिय वाणिज्य बैंकले व्यक्तिगत तर्फ ६ प्रतिशत र संस्थागत तर्फ क्रमशः ४.२५, ४ र ४ प्रतिशत ब्याज दिन कायम राखेका छन् ।
नेपाल एसबिआई र हिमालयन बैंकले व्यक्तिगत तर्फ ५.५ प्रतिशत ब्याज दिने भएका छन् भने संस्थागतमा क्रमशः ४.५ प्रतिशत र ४ प्रतिशत ब्याजदर कायम राखेका छन् ।
अन्य बैंकहरुको ब्याजदर:
- लक्ष्मी सनराइज र नबिल बैंकले व्यक्तिगत तर्फ ५.७५ प्रतिशत र संस्थागतमा क्रमशः ४.५ प्रतिशत र ४.०५ प्रतिशत ब्याज दिने भएका छन् ।
- प्राइम र स्ट्याण्डर्ड चार्टर्डले व्यक्तिगत तर्फ ६.२५ प्रतिशत ब्याज दिने भए पनि संस्थागतमा क्रमशः ३.५ प्रतिशत र ३.२५ प्रतिशतमा झारिएको छ ।
- प्रभू बैंकले व्यक्तिगत तर्फ ६.२ प्रतिशत र संस्थागत तर्फ ५ प्रतिशत ब्याज दिनेछ ।
- सिटिजन बैंकले व्यक्तिगतमा ५.६५ प्रतिशत र संस्थागतमा ४ प्रतिशत ब्याजदर तोकेको छ ।
-
कृषि विकास बैंकले व्यक्तिगतमा ५.५१ प्रतिशत र संस्थागतमा ३.२५ प्रतिशत ब्याज दिने भएको छ ।
