द्वन्द्वग्रस्त इरानमा १६ नेपाली, ११ जना भारत हुँदै स्वदेश फर्काउने तयारी

मन्त्री देउवाका अनुसार, इरानको मशहद भन्ने स्थानमा ११ जना नेपाली रहेका छन् भने बाँकी ५ जना अवैध रूपमा इरान प्रवेश गरेको आरोपमा कारागारमा छन् । उनले मशहदमा रहेका ११ जना नेपालीलाई भारत सरकारको सहयोगमा मंगलबारसम्म भारतीय उडानमार्फत भारत ल्याइने र त्यहाँबाट स्वदेश फर्काउने व्यवस्था मिलाइएको बताइन् । भारतले आफ्ना नागरिकको उद्धार गर्ने क्रममा नेपाली नागरिकलाई पनि सघाउने प्रस्ताव गरेपछि नेपालले त्यसमा सहमति जनाएको मन्त्री देउवाको भनाइ छ ।

उद्धार गरिनेमध्ये एकजना नेपालीको यात्रा कागजात नभएको र त्यसलाई जारी गर्ने प्रक्रिया चलिरहेको पनि उनले जानकारी दिइन् । कारागारमा रहेका ५ जना नेपालीको रिहाइका लागि पनि कूटनीतिक पहल भइरहेको परराष्ट्रमन्त्री देउवाले उल्लेख गरिन् ।

हालैका दिनमा इजरायल र इरानबीचको तनाव बढ्दै जाँदा यस क्षेत्रमा रहेका नेपालीको सुरक्षा र उद्धार नेपाल सरकारको प्राथमिकतामा परेको छ ।