वाणिज्य बैंकले कर्मचारी बोनसमा ११ अर्ब बढी छुट्याए
काठमाडौं, ११ भदौ । वाणिज्य बैंकहरूले आफ्ना कर्मचारीहरूको बोनस सुविधाका लागि गत आर्थिक वर्षमा ११ अर्ब ५९ करोड २ लाख ५८ हजार रुपैयाँ छुट्याएको तथ्यांक सार्वजनिक भएको छ। बैंकहरूले गत वर्ष खर्चिएको तलबको १९.५७ प्रतिशत बोनसका लागि खर्च गरेका छन्। बोनस ऐन तथा नियमावली अनुसार बैंकहरूले कर तिर्नु अघि नाफाबाट अधिकतम १० प्रतिशत कर्मचारी बोनसका लागि छुट्याउन सक्ने व्यवस्था छ।
गत वर्ष सबैभन्दा बढी बोनस नबिल बैंकले छुट्याएको छ। बैंकले आफ्ना कर्मचारीका लागि १ अर्ब १४ करोड ९५ लाख रुपैयाँ छुट्याएको छ। दोस्रो स्थानमा नेपाल इन्भेष्टमेन्ट मेगा बैंकको रहेको छ, जसले १ अर्ब ६ करोड ७८ लाख ४० हजार रुपैयाँ छुट्याएको छ। तेस्रो स्थानमा ग्लोबल आइएमई बैंक छ, जसले ९७ करोड ६० लाख, चौथो स्थानमा एभरेष्ट बैंक २ करोड ७ लाख रुपैयाँ छुट्याएको छ।
अन्य बैंकहरूको विवरण यसप्रकार छ: प्रभू बैंकले ७० करोड ५ लाख ६८ हजार, प्राइम बैंकले ६५ करोड ९८ लाख, कृषि विकास बैंकले ६५ करोड, कुमारी बैंकले ६४ करोड २३ लाख, लक्ष्मी सनराइज बैंकले ६४ करोड ९ लाख, राष्ट्रिय वाणिज्य बैंकले ६० करोड ५८ लाख र नेपाल बैंकले ६० करोड २५ लाख रुपैयाँ छुट्याएका छन्।
त्यस्तै सिद्धार्थ बैंकले ५५ करोड ९६ लाख ७६ हजार, एनएमबि बैंकले ५२ करोड १७ लाख, स्ट्याण्डर्ड चार्टर्डले ५० करोड ६० लाख, सानिमा बैंकले ३९ करोड ५४ लाख ५८ हजार, माछापुच्छ्रे बैंकले ३२ करोड २७ लाख र नेपाल एसबिआईले ३० करोड ११ लाख रुपैयाँ छुट्याएका छन्।
अन्त्यमा, हिमालयन बैंकले २३ करोड १८ लाख १७ हजार, सिटिजन्स बैंकले २० करोड ४२ लाख ७४ हजार र एनआईसी एशियाले २ करोड ४० लाख रुपैयाँ कर्मचारी बोनसका लागि छुट्याएका छन्। नाफाको आधारमा छुट्याइएको बोनसले बैंक कर्मचारीहरूको आम्दानीमा महत्वपूर्ण योगदान पुर्याएको छ। नबिल र एनआईएमबि बैंकले आफ्ना कर्मचारीका लागि सर्वाधिक बोनस छुट्याएका हुन्, जुन बैंकको उच्च नाफासँग सम्बन्धित छ।
