हकप्रद शेयर निष्कासन गर्दै नागरिक लगानी कोष, विक्री प्रबन्धकमा आरबिबि मर्चेण्ट बैंकिङ

काठमाडौं, १ भदौ । नागरिक लगानी कोषले १ कित्ता शेयर बराबर शून्य दशमलव आठ दुई आठ चार (१ः०.८२८४) का दरले साबिकका शेयरधनीलाई हकप्रद शेयरजारी गर्ने भएको छ । कोषले प्रतिशेयर रू. १०० का दरले १ करोड ३५ लाख ९२ हजार ५९२ कित्ता हकप्रद शेयरको रू. १ अर्ब ३५ करोड ९२ लाख ५९ हजार २०० रुपैयाँ बराबरको हकप्रद शेयर निष्कासन गर्न लागेको हो ।
उक्त हकप्रद शेयर निष्काशन तथा बिक्री प्रबन्ध सेवाका लागि आरविवि मर्चेण्ट बैंकिङ लिमिटेडलाई नियुक्त गरिएको छ । हकप्रद शेयर निष्कासन गर्ने सम्बन्धमा कोषका तर्फबाट कार्यकारी निर्देशक रमण नेपाल र आरबिबि मर्चेण्ट बैंकिङ लिमिटेडको तर्फबाट प्रमुख कार्यकारी अधिकृत बद्री प्रसाद प्याकुरेलले सम्झौता–पत्रमा हस्ताक्षर गरेका छन् ।