एनआरएन लघुवित्तको साधारणसभा असोज १८ गते, एफपीओ जारी गर्नेदेखि कर्पाेरेट कार्यालय काठमाडौं ल्याउँनेसम्म प्रस्ताव

काठमाडौं, ६ असोज । एनआरएन लघुवित्त वित्तीय संस्था लिमिटेडले स्थगिन गरेको विशेष साधारणसभा असोज १८ गते गर्ने भएको छ । लघुवित्तको गत सोमबार बसेको सञ्चालक समितिको बैठकले धनगढीको होटल दिनेशमा ११ बजे विशेष साधारणसभा आयोजना गर्ने निर्णय हो ।

लघुवित्तले पुनः सर्वसाधारणलाई शेयर (एफपीओ) जारी गर्ने प्रस्ताव गरेको छ । त्यस्तै कर्पाेरेट कार्यालय काठमाडौंको बुढानिलकण्ठ नगरपालिकामा स्थापना गर्ने प्रस्ताव पनि गरिएको छ । लघुवित्तको सञ्चालकमा आगामी ४ वर्ष कार्यकालको लागि ४ जना संस्थापक र २ जना सर्वसाधारणको तर्फबाट गरी ६ जना सञ्चालकको निर्वाचन गर्ने पनि प्रस्ताव गरिएको छ ।