दुई महिनामा सुदूरपश्चिम प्रदेशले संकलन गर्यो नौ करोड ७७ लाख राजस्व
काठमाडौं, २२ असोज । सुदूरपश्चिम प्रदेश सरकारले चालु आर्थिक वर्षको दुई महिनामा नौ करोड ७७ लाख ६५ हजार चार सय एक रुपैयाँ रजस्व संकलन गरेको छ । प्रदेशमा संकलन गरिने कुल राजस्वको ७.५४ प्रतिशत साउन र भदौ महिनामा संकलन गरिएको सुदुरपश्चिम प्रदेशका आर्थिक मामिला तथा योजना मन्त्री झपट बोहराले जानकारी दिए ।
घरजग्गा दर्ता वापत पाँच करोड चार लाख २५ हजार सात सय १५ रुपैयाँ, सवारी साधन दर्ता वापत चार करोड २५ लाख ६३ हजार तीन सय र दण्ड जरिवाना तथा जफत गरे वापत ४७ लाख ७६ हजार तीन सय ८६ रुपैयाँ संकलन गरिएको छ । यो कुल संकलित राजस्व मध्ये प्रदेश सरकारको भागमा परेको ६० प्रतिशत मन्त्री बोहराले जानकारी दिए । दुई महिनाको रजास्व संकलन सन्तोषजनक रहेको उनले बताए ।
राजस्व वृद्धिका लागि करको दायरा बढाउने, चुहावट कम गर्नेलगायतका प्रयासहरु भइरहेका पनि मन्त्री बोहराले बताए ।
