दोस्रो त्रैमासमा मेगा बैंकको नाफा ७३ करोड २० लाख भन्दा बढी
काठमाडौं, २४ माघ । मेगा बैंक नेपालले चालु आर्थिक बर्षको दोस्रो त्रैमासमा दोब्बर नाफा आर्जन गरेको छ । बैंकले पुस मसान्त सम्ममा ८५.९६ प्रतिशत नाफा बढाएर ७३ करोड २० लाख रुपैयाँ नाफा कमाएको हो । गत आर्थिक बर्षमा बैंकले ३३ करोड ३५ लाख रुपैयाँ नाफा गरेको थियो ।
बैंकले पुस मसान्त सम्म ७० अर्ब ८५ करोड रुपैयाँ निक्षेप संकलन गरि ६५ अर्ब ८४ करोड रुपैयाँ कर्जा प्रवाह गरेको छ । खुद ब्याज आम्दानी र सञ्चालन नाफामा आकर्षक सुधार भएपछि बैंकको खुद नाफा पनि बढेको देखिन्छ । गत वर्षको तुलनामा बैंकको खुद ब्याज आम्दानी ११०.३३५ ले बढेर १ अर्ब ७८ करोड १ लाख ५३ हजार रुपैयाँ पुगेको छ ।
यस्तै, यो त्रैमाससम्म सञ्चालन नाफामा १ अर्ब ३ करोड ४१ लाख २६ हजार रुपैयाँ छ । गत वर्षको तुलनामा सञ्चालन नाफा ८६.६९५ ले धेरै हो । मेगाको चुक्ता पुँजी ७ अर्ब ३७ करोड ६७ लाख ४३ हजार रुपैयाँबाट बढेर १० अर्ब ३८ करोड ८६ लाख २१ हजार रुपैयाँ पुगेको छ । पुँजी ४०.८३५ ले बढेको हो । तर पुँजीको तुलनामा रिजर्भ कोष भने न्यून देखिन्छ । रिजर्भ कोषमा बैंकले २ अर्ब ३१ करोड २७ लाख ६ हजार रुपैयाँ मात्र जम्मा गरेको छ ।
