असार १९ देखि नेपाल वायुसेवा निगमले जापानको ओसाकामा नियमति उडान भर्ने

काठमाडौं, २१ बैशाख । नेपाल वायुसेवा निगमले वाइडबडी जहाजमार्फत जापानको ओसाकामा पुन : नियमित उडान भर्ने भएको छ । निगमको ६१औं वर्ष प्रवेशका अवसरमा आउँदो असार १९ गते (जुलाई ४ तारिख) देखि ओसाकाको नियमित उडान थााल्ने निगमले जनाएको छ ।

निगमले गत फागुनदेखि नै उडानको सम्पूर्ण तयारी पूरा गरेपनि जापान सिभिल एभिएशन ब्युरो (जेक्याब)बाट उडान अनुमति प्रमाण–पत्र (एओसी) प्राप्त गर्न ढिला भएकोले हालसम्म उडान हुन सकेको थिएन । गत हप्तामात्रै निगमले एओसी पाएको थियो । निर्धारित उडान तालिका अनुसार ओसाकाको सबै उडानहरु वाइडबडी ए ३३०–२०० बाट हप्ताको तीन दिन मंगलवार, बिहीवार र शनिवार हुने छन् ।

यस अघि सन् २००७ सम्म निगमले चीनको सांघाई हुंदै ओसाकासम्म उडान गर्दै आएको थियो र तत्कालिन समयमा विमानको कमीका कारण जापान उडान स्थगित गरिएको थियो ।

Leave a Reply

Your email address will not be published. Required fields are marked *