अपि पावर लिमिटेडको साधारण सभा पौष ३० गते, बुक क्लोज २१ वाट

काठमाडौं, ९ पौष । अपि पावर लिमिटेडले पौष २१ देखी ३० गतेसम्मका लागि शेयर दर्ता पुस्तिका बन्द गर्ने भएको छ ।

कम्पनीले पौष ३० गते चौधौं वार्षिक साधारण सभा बोलाएको छ । उक्त साधारण सभामा कम्पनीले शेयरधनीहरुलाई ८ प्रतिशत बोनस शेयर दिने भएको छ । साथै सोहि साधारण सभामा १ बराबर २ कित्ता हकप्रद शेयर निष्कासनको प्रस्तावलाई समेत लाने भएको छ । कम्पनीले १ बराबर २ कित्ता हकप्रद शेयर निष्कासनको लागि नेपाल धितोपत्र बोर्डमा अनुमतिको लागि आवेदन दिएको छ ।

कम्पनीको पौष २० गतेसम्म शेयर खरिद गर्ने शेयरधनीहरुले ८ प्रतिशत बोनस शेयर सुरक्षित गर्नेछन् । कम्पनीले प्रस्ताव गरेको बोनस शेयर र हकप्रद पछि चुक्ता पुँजी १ अर्ब ५ करोड रुपैयाँबाट बढेर ३ अर्ब ४१ करोड रुपैयाँँ पुग्ने छ ।

Leave a Reply

Your email address will not be published. Required fields are marked *