नेप्सेमा आज पनि पहिरो, बजार १६.१८ अंकले घट्दा कारोबार ३४ करोड मात्र
काठमाडौं, ३० भदौ । साताको दोस्रो कारोबार दिन सोमाबार (आज) पनि नेपाल स्टक एक्स्चेन्ज (नेप्से)मा गिरावट आएको छ । आज नेप्से १६.१८ अंकले गिरावट आई ११२३.८३ विन्दुमा रोकिएको छ ।
१ सय ६९ कम्पनीको १२ लाख ४८ हजार ४ सय ९ कित्ता सेयर ३४ करोड ३९ लाख रुपैयाँमा खरिद विक्री भएको छ । आज सबैभन्दा बढी सेयर कारोबार छिमेक लघुवित्त विकास बैंक लिमिटेडको भएको छ । छिमेकको १ करोड ८० लाख रुपैयाँभन्दा बढीको सेयर कारोबार भएको हो ।
त्यस्तै आज नेप्सेमा सूचिकृत १२ समूहहरुमध्ये एक समूहको उपसूचकमा बृद्धि आएको छ भने अन्य ११ समूहको उपसूचकमा गिरावट आएको छ । उपसूचक बृद्धि हुने समूह ट्रेडिङ्ग रहेको छ । उक्त समूहको उपसूचक २.२९ प्रतिशतले बृद्धि भएको हो ।
