चालु वर्षमा ६.४ प्रतिशत आर्थिक बृद्धि हासिल हुने विश्व बैंकको प्रक्षेपण, अर्थमन्त्री भने सन्तुष्ट

काठमाडौं, २६ मंसिर । विश्व बैंकले चालु आर्थिक वर्षमा नेपालको आर्थिक वृद्धिदर ६.४ प्रतिशत हुने प्रक्षेपण गरेको छ । विश्व बैंकले बिहीबार नेपाल डेभलपमेन्ट अपडेट मार्फत यस्तो प्रक्षेपण सार्वजनिक गरेको हो ।

सरकारले भने चालु आर्थिक वर्षमा ८.५ प्रतिशतको आर्थिक वृद्धिको लक्ष्य राखेको छ ।

विश्व बैंकले आगामी आर्थिक वर्ष समेत ६.५ प्रतिशत मात्रै आर्थिक वृद्धि हुने अनुमान गरेको छ ।

गत वर्ष नेपालले ७.१ प्रतिशतको आर्थिक वृद्धिदर हासिल गरेको थियो ।

विश्व बैंकको उक्त प्रक्षेपणबाट अर्थमन्त्री डा. युवराज खतिवडाले असहमति जनाए । अपडेट सार्वजनिक गर्दै उनले चालु आर्थिक वर्षमा सरकारले लिएको आर्थिक वृद्धिको लक्ष्य पूरा हुने भन्दै आर्थिक वृद्धिदरको लक्ष्य संशोधन गर्नुपर्ने कुनै कारण नभएको बताए ।

Leave a Reply

Your email address will not be published. Required fields are marked *