‘क्यान इन्फोटेक २०२०’ को तयारी पुरा, सरकारी तथा सामुदायिक विद्यालयका विद्यार्थीहरुलाई प्रवेश निःशूल्क

काठमाडौं, १५ माघ । कम्प्युटर ऐशोसिएशन नेपाल (क्यान) महासंघले आयोजना गर्न लागेको ‘क्यान इन्फो–टेक २०२०’ को तयारी अन्तिम चरणमा पुगेको छ । फागुन २ गतेदेखि ७ गतेसम्म चल्ने उक्त इन्फो–टेक मेलाको तयारी अन्तिम चरणमा पुगेको क्यानले आज काठमाडौंमा पत्रकार सम्मेलन गरी जानकारी दिएको हो ।

मेलामा इन्फोटेकमा स्टार्टअप आईडिया तथा प्रोजेक्ट प्रतिस्पर्धा र जुनियर इनोभेटरको प्रदर्शनीका साथै रोबोवार्स, अक्वाबोट, पुसबोट, ड्रोन डान्सिङ र रोिबोट रेस जस्ता प्रतिस्पर्धा पनि आयोजना गरिने छ । यस प्रतिस्पर्धालाई मेलाको विशेष आकर्षणका रुपमा लिईएको छ । यो मेलाले सूचना प्रविधि तथा इञ्जिनियरिङका विद्यार्थीहरुको क्षमता विकास गर्न र उनीहरुको आईडिया तथा प्रोजेक्टलाई व्यवसायमा बदल्न मद्दत गर्ने क्यानको विश्वास छ ।

इन्फोटेक मेलामा प्रवेशका लागि १ सय रुपैयाँ तिर्नु पर्ने छ भने सरकारी तथा सामुदायिक विद्यालय र कलेजका विद्यार्थीहरुलाई निःशूल्क प्रवेशको व्यवस्था गरिएको क्यानले जानकारी दिएको छ । काठमाडौंको भृकुटीमण्डपको प्रदर्शनी हलमा हुने उक्त इन्फो–टेकमा १ सय ७४ स्टल रहने छन् । जसमध्ये ८० प्रतिशत विक्री भईसकेका छन् ।

प्रविधिका क्षेत्रमा भएका नयाँ तथा इनोभेटिभ आईडियाहरुको प्रवद्र्धन गर्ने योजनाअनुरुप क्यानले इनोभेशन एक्स्फोजरलाई विशेष प्राथमिकतामा राखेको क्यानले जानकारी दिएको छ ।

Leave a Reply

Your email address will not be published. Required fields are marked *