कर्णाली डेभलपमेन्ट बैंकको हकप्रद शेयर आज बाट
काठमाडौं, ११ माघ । कर्णली डेभलपमेन्ट बैंकले माघ ११ देखी हकप्रद शेयरको बिक्री खुल्ला गरेको छ । बैंकले १ बराबर २।२५ का दरले हकप्रद शेयर निष्कासन गर्ने भएको छ । बैंकले सो हकप्रद फागुन १६ गते बिक्री बन्द गर्ने जनाएको छ ।
बैंकले एक सय रुपैयाँ अंकित मुल्य भएको ३३ करोड ९७ लाख ५० हजार रुपैयाँ बराबरको ३३ लाख ९७ हजार पाँच सय कित्ता हकप्रद शेयर जारी गर्दैछ । बैंकको गत आषाढ ३ गते बसेको विशेष साधारण सभाले हकप्रद शेयर निष्कासनको प्रस्तावलाई पारित गरेको हो । बैंकले हकप्रद शेयर निष्कासनका लागि पौष २० गते बुक क्लोज गरेकोे छ । हकप्रद पछि बैंकको शेयर १४० रुपैयाँमा बैंकको शेयर मुल्य समायोजन गरेको हो । नेप्सेका अनुसार बैंकको शेयर आधार मुल्य १८७ रुपैयाँ रहेको छ ।
यस बैंकको हकप्रद शेयर पुँजीकरण पछिको चुक्ता पुँजी ४९ करोड ७ लाख रुपैयाँ पुग्ने छ । बैंकको हाल चुक्ता पुँजी १५ करोड १० लाख रुपैयाँ रहेको छ । कर्णाली डेभलपमेन्ट बैंकले हकप्रद शेयर निष्कासनको लागि बिक्री प्रबन्धकमा प्रभु क्यापिटललाई नियुक्त गरेको छ ।
