India VS Pakistan
काठमाडौं, २८ वैशाख । मुक्तिनाथ विकास बैंकको घोराही शाखा कार्यालयले संस्थागत सामाजिक उत्तरदायित्वअन्र्तगत घोराही उप–महानगरपालिकाको फुड बैंकमा खाद्यान्न सहयोग गरेको छ । सरकारले लागु गरेको देशब्यापी बन्दाबन्दीको कारणबाट त्यस ठाउँका प्रभावित विपन्न, दैनिक ज्यालादारीमा काम गर्ने तथा आर्थिक अवस्था कमजोर भएका परिवारहरुका लागि उक्त खाद्यान्न सामाग्री सहयोग गरिएको हो । खाद्य सामाग्री घोराही शाखा प्रमुख युवराज भण्डारीले घोराही उप–महानगरपालिका वडा नं १५ का वडा सदस्य तथा बैंक तथा वित्तिय संस्थागत समन्वय संयोजक सनतकुमार श्रेष्ठलाई हस्तान्तरण गरेका हुन् ।
त्यस्तै बैंकले धनगढी उप–महानगरपालिका – ०४ मा पनि राहत सामाग्री सहयोग गरेको छ । सहयोग सामाग्री बैंकका धनगढी शाखा प्रमुख उमेश जोशीले धनगढी उप–महानगरपालिका – ०४ का प्रमुख पदमराज सापकोटा र सुदुर सुदुरपश्चिम यातायात प्रा.लि. का प्रमुख दिपक थापालाई हस्तान्तरण गरेका थिए ।
त्यसैगरी बैंकले नार्गाजुन –०४, काठमाडौंको शक्तिकुमारी टोल सुधारलाई राहत सामाग्री सहयोग गरेको छ । सहयोग सामाग्री बैंकका सीतापाईला शाखा प्रमुख विजय उप्रेतीले शक्तिकुमारी टोल सुधारका अध्यक्ष गोपाल श्रेष्ठलाई हस्तान्तरण गरेका थिए । आगामी लकडाउनको समयमा पनि विपन्न परिवारलाई सम्भव भएसम्मको सहयोग गर्ने बैंकका प्रमुख सुचना अधिकारी तिलबहादुर गुरुङ्गले बताए ।
