Date

शुक्र, चैत्र १६, २०८०
Fri, March 29, 2024

बागमती प्रदेश सरकारको सहुलियतपूर्ण ऋण लगानी कार्यक्रम लागू

बागमती प्रदेश सरकारको सहुलियतपूर्ण ऋण लगानी कार्यक्रम लागू

काठमाडौं, २४ असोज । उत्पादन तथा रोजगारी प्रवद्र्धनका लागि बागमती प्रदेश सरकारले युवा उद्यमीलाई लक्षित गरी सहुलियतपूर्ण ऋण लगानी कार्यक्रम लागू गरेको छ ।
प्रदेशको आर्थिक मामिला तथा योजना मन्त्रालयका अनुसार चालू आर्थिक वर्ष २०७७÷७८ मा सहुलियतपूर्ण ऋण व्यवस्थापन कार्यक्रम अन्तर्गत कुल रू. ३ अर्ब बजेट विनियोजन गरिएको बताइएको राससमा उल्लेख गरेको छ ।

विभिन्न व्यावसायिक क्षेत्रका लागि एक युवा उद्यमी वा युवा मिलेर बनेको समूहलाई बढीमा ५ वर्षका लागि वार्षिक ३ प्रतिशत ब्याजदरमा न्यूनतम रू. ५ लाखदेखि अधिकतम रू. १० लाखसम्म ऋण उपलब्ध गराउने कार्यक्रम रहेको आर्थिक मामिला तथा योजना मन्त्रालयका योजना बजेट तथा कार्यक्रम महाशाखाले बताएको छ । उक्त कार्यक्रमअनुसार प्रदेश सरकारले कृषि व्यवसायसम्बन्धी उत्पादन, प्रशोधन, भण्डारण र बजारीकरणसम्बन्धी, उद्योग व्यवसाय, पर्यटन प्रवद्र्धन, व्यापार व्यवसाय, वन तथा वातावरणजन्य उद्योग, महिला उद्यमशीलता, वन तथा वातावरण क्षेत्र, महिला तथा दलित समुदाय विकासको क्षेत्र र फोहोरमैला व्यवस्थापनतर्फ ऋण लगानी गर्ने योजना रहेको उल्लेख छ ।

राससका अनुसार प्रदेश सरकारले १३ वटै जिल्लामा रहेका कृषि विकास बैंक लिमिटेडमार्फत युवा उद्यमीलाई सहुलियत दरमा ऋण लगानी गर्नेछ । कार्यक्रमलाई थप प्रभावकारी बनाउन सबै जिल्लामा जिल्ला समन्वय समितिका प्रमुख संयोजक र अन्य सरोकारवाला कार्यालयका प्रतिनिधि सम्मिलित अनुगमन समितिसमेत रहनेछ । २१ वर्षदेखि ४० वर्ष उमेर समूहका व्यक्ति वा सो उमेर समूह मिलेर बनेको समूहले सञ्चालन गर्ने फर्म, कम्पनी वा संस्थालाई सहुलियतपूर्ण ऋण लगानी गरिनेछ ।

कार्यक्रमअनुसार कृषि व्यवसायसम्बन्धी उत्पादन प्रशोधन भण्डारण बजारीकरणतर्फ, उद्योग व्यवसायतर्फ, पर्यटन प्रवद्र्धनतर्फ, महिला उद्यमशीलतातर्फ, दलित समुदाय व्यवसायतर्फ र फोहोरमैला व्यवस्थापनतर्फ ऋण उपलब्ध गराइनेछ । धितो नभएकाको हकमा ऋण प्रवाह हुने परियोजना नै सुरक्षित रहने गरी ऋण वा परियोजनाबापत रू. ५ लाखसम्म र धितो राखेमा बढीमा रू. १० लाखसम्म ऋण उपलब्ध गराइनेछ ।

अर्थकोअर्थ

Related Posts

Leave a Reply

Your email address will not be published. Required fields are marked *

Read also x