काठमाडौं, २९ पुस । मेगा बैंकको दशौं साधारण सभाले शेयरधनीहरुलाई १३.०५ प्रतिशत लाभांश दिने प्रस्ताव पारित गरेको छ । आज सम्पन्न साधारण सभाले गत वर्षको सञ्चित नाफा र वितरणयोग्य अन्य कोषहरुबाट हाल कायम चुक्ता पूँजीको १० प्रतिशत बोनस शेयर र ३.०५ प्रतिशत नगद लाभांश वितरण गर्ने प्रस्ताव पारित गरेको हो ।
हाल बैंकको चुक्ता पूँजी १३ अर्ब ३२ करोड २६ लाख रुपैयाँ रहेको छ ।
बैंैकले चालू आर्थिक वर्ष २०७७–०७८ को त्रैमासमा १ खर्ब ३३ अर्ब रुपैयाँ निक्षेप संकलन गरी १ खर्ब २१ अर्ब ८१ करोड रुपैयाँ कर्जा लगानी गरेको छ । कर्जा ६० करोड ७९ लाख रुपैयाँ खुद नाफा आर्जन गरेको छ ।
यस्तै हाल यस बैंकले २ सय ६० शाखा, ३४ एक्सटेन्सन काउन्टर, १ सय ४१ एटिएम मेसिनहरु तथा ८९ वटा शाखारहित बैंकिङ्ग मार्फत वित्तीय सेवा दिदै आएको छ ।
Leave a Reply