तेस्रो त्रैमासमा कामना सेवा विकास बैंकको नाफा ५८ करोड ६१ लाख
काठमाडौं, ५ बैशाख । कामना सेवा विकास बैंकले चालू आर्थिक वर्षको तेस्रो त्रैमासमा ५८ करोड ६१ लाख रुपैयाँ नाफा कमाएको छ। यो नाफा रकम गत आर्थिक वर्षको सोही अवधिको तुलनामा १७२ प्रतिशतले धेरै हो । गत वर्ष बैंकले २१ करोड ५४ लाख रुपैयाँ मात्र खुद नाफा गरो थियो ।
यस्तै बैंकले खुद ब्याज आम्दानी र सञ्चालन नाफा पनि क्रमशः २५.७३ प्रतिशत र ९५.०८ प्रतिशतले बृद्धि गरेको छ । खुद ब्याज आम्दानी १ अर्ब ७ करोड ७६ लाख रुपैयाँ र सञ्चालन नाफा ५९ करोड ७७ लाख रुपैयाँ पुर्याएको छ।
यो अवधीमा बैंकले ३९ अर्ब २४ करोड रुपैयाँ निक्षेप संकलन गरी ३६ अर्ब ५५ करोड रुपैयाँ कर्जा प्रवाह गरेको छ । हाल बैंकको जगेडा कोषमा ७७ करोड ६८ लाख रुपैयाँ छ ।
