सुनको मूल्य बढ्यो, प्रतितोला ९४ हजार २०० मा कारोबार

काठमाडौं, १३ जेठ । बुधबार (आज) स्थानीय बजारमा सुनको मूल्य बढेर कारोबार भएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला ७०० रुपैयाँ वृद्धि भएर कारोबार भइरहेको छ ।

हिजो प्रतितोला ९३ हजार ५०० रुपैयाँमा कारोबार भएको सुन आज प्रतितोला ९४ हजार २०० रुपैयाँमा खरिद विक्री भएको हो ।

आज चाँदीको मूल्य भने स्थिर रहेको छ । आज चाँदी प्रतितोला १ हजार ३५० रुपैयाँमा कारोबार भइरहेको महासंघले जनाएको छ ।