गत आर्थिक वर्षमा निफ्राको खुदनाफा ८३ करोड ६४ लाख रुपैयाँ

काठमाडौं, २२ साउन । नेपाल इन्फास्ट्रक्चर बैंक (निफ्रा) ले गत आर्थिक वर्ष २०७७–०७८ मा ८३ करोड ६४ लाख रुपैयाँ खुदनाफा कमाएको छ । अघिल्लो वर्ष निफ्राले ८४ करोड ७१ लाख रुपैयाँ खुदनाफा गरेको थियो । अघिल्लो आर्थिक वर्षको तुलनमा बैंकको गत वर्षको नाफा १ प्रतिशतले कम हो।

ठूला परियोजनाहरुमा लगानी गर्न भन्दै स्थापित निफ्राले गत वर्ष खुद ब्याज आम्दानी १ अर्ब ३३ करोड ३५ लाख रुपैयाँ गरेको छ । अघिल्लो वर्ष १ अर्ब २३ करोड रुपैयाँ थियो । खुद नाफा घटेसँगै बैंकको प्रतिशेयर आम्दानी पनि घटेको छ। प्रति शेयर आम्दानी ५ रुपैयाँ ३८ पैसा र प्रति शेयर नेटवर्थ ११७ रुपैयाँ छ।

यस्तै निफ्राको निक्षेप लागत ९ रुपैयाँ ४० पैसा रहेको छ । बैंकले विभिन्न परियोजनामा २ अर्ब २७ करोड रुपैयाँ कर्जा लगानी गरेको छ । सञ्चित कोषमा २ अर्ब ४० करोड रुपैयाँ जम्मा भएको छ ।

Leave a Reply

Your email address will not be published. Required fields are marked *