धान विशेषज्ञ भोलामान सिंह बस्नेतको निधन
काठमाडौं, ३० साउन । वरिष्ठ धानबाली विशेषज्ञ भोलामान सिंह बस्नेतको कोभिड–१९ संक्रमणबाट मृत्यु भएको छ । ७१ वर्षका बस्नेतको आज ओम अस्पतालमा निधन भएको हो।
उनले नेपाल कृषि अनुसन्धान परिषद् (नार्क) मा लामो समयसम्म वरिष्ठ धानबाली विशेषज्ञका रूपमा सेवा पुर्याएका थिए । सेवा निवृत्त भएपछि अन्तर्राष्ट्रिय धान बाली अनुसन्सधान केन्द्र (इरी) का अनुसन्धानमा संलग्न थिए।
नेपालमा हिउँदे धान खेतीको सुरूआत तथा असार १५ लाई धान दिवसका रूपमा मनाउने निर्णय गराउनमा उनको महत्वपूर्ण योगदान रहेको थियो।
