मस्कलाई ट्विटर किन्न टेस्लाको शेयर बेचेर पुगेन, साढे २५ अर्ब ऋण लिँदै
काठमाडौं, १६ वैशाख । सामाजिक सञ्जाल ट्विटर खरिदका लागि विश्वकै धनाढ्य इलोन मस्कले टेस्ला कम्पनीको शेयर विक्री गरेका छन् । उनले टेस्लाको ४४ लाख शेयर विक्री गरेको समाचार संस्था एपीले जनाएको छ ।
८७२ डलरदेखि ९९९ डलरसम्म प्रतिशेयर विक्रीबाट उनले ४ अर्ब डलर संकलन गरिएको बताइएको छ । उनले अधिकांश शेयर गत मंगलबार विक्री गरेका हुन् । मंगलबार टेस्लाको शेयरमा १२ प्रतिशतको भारी गिरावट आएको थियो ।
यद्यपि उनले टेस्लाको अरु शेयर विक्री नगर्ने बताएको एपीले जनाएको छ । केही समयअघि मस्कले ४४ अर्ब डलरमा ट्विटर खरिद गर्ने प्रस्ताव गरेका थिए । उनको प्रस्तावलाई ट्विटरको बोर्डले सदर गरेको अन्तर्राष्ट्रिय सञ्चारमाध्यमले जनाएका छन् ।
बाँकी पैसा जुटाउनका लागि उनले साढे २५ अर्ब ऋण लिनसक्ने एपीले जनाएको छ ।
