भारतले नेपाललाई दिने अनुदान प्रतिवद्धता घटायाे, आगामी वर्ष साढे ५ अर्ब भारू दिने
काठमाडाैं, १८ माघ । भारतले नेपाललाई दिने अनुदान प्रतिवद्धता घटाएको छ। बुधबार भारतको नयाँ बजेट सार्वजनिक गर्दै भारतीय वित्त मन्त्री निर्मला सीतारमणले विभिन्न मुलुकहरूलाई दिने अनुदानबारे जानकारी दिएकी हुन्। उक्त जानकारी अनुसार भारतले आउने आर्थिक वर्षमा नेपाललाई दिने अनुदान घटाएकाे हाे ।
भारतीय बजेटअनुसार आगामी वर्ष भारतले नेपाललाई ५५० करोड भारू अनुदान दिनेछ।
गत वर्ष भारतले नेपाललाई दिने अनुदान रकम ४२५ करोड भारू थियो। सुरूमा ७५० करोड भारू अनुदान दिने बजेटमा उल्लेख भए पनि पछि बजेट संशोधन गरेर रकम घटाइएको थियो।
यसपालि भारतले सबैभन्दा धेरै अनुदान भुटानलाई दिने भएको छ। भुटानले १६३२ करोड अनुदान पाउने भएको छ भने ७८८ करोड ऋण पाउने छ।
