पुस महिनाकाे पहिलाे दिन घट्याे सुन-चाँदीकाे भाउ
काठमाडाैं, १ पुस । शुक्रबार ३ सय रुपैयाँले बढेको सुनको मूल्य आजभने १ हजार ३ सय रुपैयाँले घटेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला रू एक लाख १७ हजार ८ सय रुपैयाँ र तेजाबी सुन प्रतितोला एक लाख १७ हजार २५० रुपैयाँ निर्धारण गरिएकाे छ । शुक्रबार छापावाल सुन प्रतिताेला एक लाख १९ हजार १ सय रुपैयाँ र तेजाबी सुनको मूल्य तोलामा एक लाख १८ हजार ५५० रुपैयाँ निर्धारण गरिएकाे थियाे ।
त्यसैगरी,आज चाँदीको मूल्यसमेत घटेकाे छ । शुक्रबार प्रतितोला १४ सय ७० रुपैयाँमा कारोबार भएको चाँदी आजभने १४ सय ५५ रुपैयाँ निर्धारण गरिएकाे छ ।
