मंगलबार सुनको मूल्यमा नयाँ रेकर्ड, एकैदिन २००० रूपैयाँले बढ्याे
काठमाडौं, २२ फागुन । गत आइतबार एकैदिन ताेलामा २००० रूपैयाँले बढेकाे सुनकाे मूल्य आज पनि ताेलामा २००० रूपैयाँले नै बढेकाे छ । मंगलबार १ लाख २३ हजार रुपैयाँ पुगेकाे सुनकाे मूल्यले नयाँ रेकर्ड कायम गरेको हाे ।
नेपाल सुनचाँदी व्यवसायी महासंघका अनुसार आज छापावाल सुनकाे मूल्य १ लाख २३ हजार रुपैयाँ र तेजावी सुनकाे मूल्य १ लाख २२ हजार ४०० रूपैयाँ निर्धारण भएकाे छ ।
साेमबार स्थिर रहेकाे सुन आइतबारकाे मूल्यमा काराेबार भएकाे थियाे । आइतबार र साेमबार छापावाल सुन तोलामा १ लाख २१ हजार रुपैयाँ र तेजाबी सुन तोलामा १ लाख २० हजार ४०० रुपैयाँमा कारोबार भएको थियाे ।
यता आज चाँदी पनि ताेलामा ३५ रूपैयाँले बढेकाे छ । आज चाँदीको मूल्य तोलामा १ हजार ४४५ रुपैयाँ कायम भएकाे छ ।
