चैतमा १६ उद्योगका लागि ९६ करोड ५० लाख बराबरको लगानी प्रतिवद्धता स्वीकृत
काठमाडाैं, ३ वैशाख । चालु आर्थिक वर्ष २०८० /८१ को ९ महिनामा झण्डै ३० अर्ब बढीको वैदेशिक लगानी स्वीकृत भएको छ। उद्योग विभागका अनुसार गत साउनदेखि चैत्र मसान्तसम्ममा कुल ३० अर्ब ९ करोड ९५ लाख बराबरको वैदेशिक लगानी स्वीकृत भएको हो ।
याे अवधिमा विभिन्न देशबाट २६९ वटा नयाँ उद्योगका सो लगानी प्रतिवद्धता आएको हो । चैत्रसम्म ३ वटा ठूला, १३ वटा मध्यम र २५३ वटा साना उद्योगको लागि वैदेशिक लगानी स्वीकृत भएको विभागले जनाएकाे छ ।
विभागका अनुसार चैतमा मात्रै १६ वटा उद्योगका लागि ९६ करोड ५० लाख बराबरको लगानी प्रतिबद्धता स्वीकृत गरिएको छ।
