१५ दशमलव ६२ अंकले घट्यो नेप्से परिसूचक
काठमाडौं २४ वैशाख। साताको दोस्रो कारोबार दिन नेपाल स्टक एक्सचेञ्ज (नेप्से) परिसूचक दोहोरो अंकले घटेर बन्द भएको छ । आज नेप्से १५ दशमलव ६२ अंकले घटेर १ हजार ९५८ दशमलव ७५ विन्दुमा बन्द भएको हो ।
नेप्सेमा आज २ अर्ब ८९ करोड १३ लाख १९ हजार रुपैयाँ बराबरको कारोबार भएको छ । आज कारोबार भएका कम्पनीमध्ये ६२ वटाको बढेको छ भने १७७ वटा कम्पनीको सेयरमूल्य घटेको छ । बाँकी ६ कम्पनीको सेयरमूल्य स्थिर रहेको छ ।
नेप्सेका अनुसार आज दुई कम्पनीको सेयरमूल्यमा उच्च वृद्धि भएको छ भने सर्वाधिक कारोबार सिटिजन्स लाइफ इन्स्योरेनस कम्पनी लिमिटेडको ३१ करोड ९८ लाख बराबरको भएको छ ।
