१०.४४ अंकले घट्यो नेप्से, काराेबार रकम भने बढ्याे
काठमाडाैं, ६ असार । साताको अन्तिम कारोबार दिन बिहीबार नेपाल स्टक एक्सचेञ्ज नेप्से सूचक दाेहाेराे अंकले घटेकाे छ । आज नेप्से परिसूचक १०.४४ अंकले घटेर २ हजार ६८.३१ विन्दुमा झरेको हाे ।
बजार घटे पनि बिहीबार कारोबार भने बढेको छ । यसदिन ३ अर्ब ८७ करोड ७ लाख रुपैयाँ बराबरको ८६ लाख ६३ हजार कित्ता सेयर दोस्रो बजारमा किनबेच भएको छ ।बुधबार ३ अर्ब ४० करोड ४३ लाख रुपैयाँ बराबरको सेयर कारोबार भएको थियो ।
यसदिन कुल १८६ कम्पनीको सेयर मूल्य घट्यो, ५२ कम्पनीको सेयर मूल्य बढ्याे भने ८ वटा कम्पनीको मूल्य स्थिर रह्यो ।
बिहीबार सबैभन्दा बढी कालिका लघुवित्त वित्तीय संस्थाका सेयर धनीहरूले ७.७१ प्रतिशतले कमाएका छन् भने कुथेली बुकारी स्मल हाइड्रोपावर कम्पनीका सेयर धनीले ९.२८ प्रतिशतले गुमाएका छन् ।
