काठमाडौ,२६ असार । जल तथा मौसम पुर्वानुमान महाशाखाले मध्य र पश्चिमका केही ठाउँमा भारी बर्षाको संभावना रहेको भन्दै सचेतना अपनाउन आग्रह गरेको छ ।
मनसुन सक्रिय भएकाले लगातार झरी लागेपनि हिजो अस्ति भन्दा मध्य र पश्चिम क्षेत्रका कतिपय भागमा भारी बर्षा हुने शाखाका मौसमविद् वरुण पौडेलले बताए।
भारी र अविरल बर्षाका कारण दोलखा, सिन्धुपाल्चोक, रसूवा, धादिङ, गोरखा, लम्जुङ, तनहुँ, कास्की, दैलेख, डोटी र डडेलधुरा हुँदै बग्ने खोला र नदीमा ठूलो बाढी आउँने संभावना भएकाले आसपासका बासिन्दालाई सतर्कता अपनाउन शाखाले आग्रह गरेको छ ।
गएको २४ घण्टामा लुम्लेमा १ सय ९ दशमलव ८ मिलिमिटर पानी परेको जल तथा मौसम पुर्वानुमान महाशाखाले जनाएको छ ।
Leave a Reply