आज पनि घट्याे नेप्से परिसूचक, ४ अर्बमा खुम्चियाे काराेबार
काठमाडौं, २४ मंसिर । मंगलबार नेपाल स्टक एक्सचेञ्ज नेप्से ६.३२ अंकले घटेको छ। आज सेयर बजार मापक नेप्से परिसुचक ०.२३ प्रतिशतले घटेर २ हजार ६ सय ६९ बिन्दुमा पुगेको छ ।
यस दिन ८७ लाख ६८ हजार ५६६ कित्ता सेयर ४ अर्ब ४१ करोड ३२ लाख २० हजारमा कारोबार भएको छ । सोमबार १ करोड १५ लाख २३ हजार ३ कित्ता सेयर ५ अर्ब ६२ करोड ९४ लाख ४५ हजारमा कारोबार भएको थियो ।
आज कारोबार भएको बजारमा ८५ कम्पनीको सेयर मुल्य बढेको छ भने १४८ वटा कम्पनीको सेयर मुल्य घटेको छ । यस्तै १० सेयरको मूल्य स्थिर रहेको छ।
यसदिन कुनैपनि सेयर मूल्यमा सकारात्मक सर्किट लागेको छैन भने जोशी हाइड्रोपावरको सेयर मुल्य ७.६७ प्रतिशतले बढेको छ।
यसैगरि आज कुनैपनि सेयर मुल्यमा नकारात्मक सर्किट लागेको छैन भने एनआरएन इन्फ्रास्ट्रक्चर एण्ड डेभलपमेन्ट लिमिटेडको सेयर मुल्य ९.९० प्रतिशतले घटेको छ ।
आज होटल र पर्यटन, निर्माण र प्रशोधन, लघुवित्त र ट्रेडिङ्ग समूह बाहेक अन्य सबै समूहका उपसुचकहरु घटेका छन्।
