३ प्रतिशतले बढ्याे विस्तृत मुद्राप्रदाय, वैदेशिक सम्पत्ति कति ?
काठमाडौं, ३ पुस । आर्थिक वर्ष २०८१÷८२ को चार महिनामा विस्तृत मुद्राप्रदाय ३.० प्रतिशतले बढेको छ । अघिल्लो वर्षको सोही अवधिमा उक्त मुद्राप्रदाय ३.७ प्रतिशतले बढेको थियो। वार्षिक बिन्दुगत आधारमा २०८१ कात्तिक मसान्तमा विस्तृत मुद्राप्रदाय १२.१ प्रतिशतले बढेको छ ।
समीक्षा अवधिमा खुद वैदेशिक सम्पत्ति (विदेशी विनिमय मूल्याङ्कन नाफा÷नोक्सान समायोजित) रु.२०५ अर्ब ८३ करोड (१०.३ प्रतिशत) ले बढेको छ । अघिल्लो वर्षको सोही अवधिमा उक्त सम्पत्ति रु.१५० अर्ब २४ करोड (१०.३ प्रतिशत) ले बढेको थियो।
समीक्षा अवधिमा सञ्चित मुद्रा २.७ प्रतिशतले बढेको छ । अघिल्लो वर्षको सोही अवधिमा यस्तो मुद्रा ६.६ प्रतिशतले बढेको थियो। वार्षिक बिन्दुगत आधारमा २०८१ कात्तिक मसान्तमा सञ्चित मुद्रा ३.८ प्रतिशतले बढेको छ ।
