आखुखोला जलविद्युतले पायो २० करोड रुपैयाँको प्राथमिक शेयर निष्कासनको अनुमती
काठमाडौं, ३१ असार । आखुखोला जलविद्युत कम्पनीले प्राथमिक शेयर निष्कासनको लागि अन्तिम स्विकृती पाएको छ । कम्पनीलाई प्राथमिक शेयर निष्कासनको लागि नेपाल धितोपत्र बोर्डले स्विकृती दिएको हो ।
कम्पनीले आयोजना प्रभावित क्षेत्रका स्थानियहरु र सर्वसाधारणहरुका लागि प्राथमिक शेयर निष्कासन गर्ने भएको छ । कम्पनीलाई बोर्डले २० करोड रुपैयाँको प्राथमिक शेयर निष्कासन गर्ने अनुमती दिएको हो । जसमध्ये कम्पनीले ८ करोड रुपैयाँ आयोजना प्रभावित धादिङ जिल्लाका स्थानियहरुलाई छुट्टाएको छ भने १२ करोड रुपैयाँ सर्वसाधारणहरुको लागि छुट्टाएको छ ।
कम्पनीले निष्कासन गर्न लागेको उक्त प्राथमिक शेयर कम्पनीको कुल चुक्ता पुँजीको २५ प्रतिशत हो । क्रम्पनीको हाल चुक्ता पुँजी ६० करोड रुपैयाँ रहेको छ । प्राथमिक शेयर निष्कासन पछि कम्पनीको चुक्ता पुँजी ८० करोड रुपैयाँ पुग्ने छ ।
कम्पनीले ८.४ मेगावाट क्षमताको जलविद्युत आयोजना धादिङ जिल्लामा निमार्ण गर्दैछ ।
