१२ अंकको वृद्धिसंग कारोबार रकम पनि बढ्यो
काठमाडौं, २४ पौष । सोमबार नेप्से परिसुचक १२ अंकले बढेर १४४३.८० विन्दुमा पुगेको छ । पौष महिनाको आधा समय घटेको शेयर बजारमा हिजो र आजको वृद्धिले शेयरलगानीकर्ताहरुलाई केहि राहत दिलाएको छ ।
यता नेप्से परिसुचकमा वृद्धि आएसंगै हिजोको तुलनमा आज कारोबार रकम समेत बढेको छ । ३६ करोड रुपैयाँको हाराहारीमा कारोबार भएको हिजो आज सोमबार १० करोड रुपैयाँले बढेर ४६ करोड ४६ लाख ३९ हजार ८२० रुपैयाँको कारोबार भएको छ । सोमबार १५७ कम्पनीहरुको ८ लाख ५५ हजार १३९ कित्ता शेयरको किनबेच भएको छ ।
सोमबार होटल समुहको परिसुचक बाहेक अरु सम्पुर्ण समुहगत परिसुचकहरु बढेको छ ।
