हिम पहिरोमा परि अन्नपूर्ण पदमार्गमा निस्केका एक ट्रेकिङ गाइडको निधन, नेदरल्याण्डका पर्यटक बेपत्ता
काठमाडौं, २५ फागुन । हिम पहिरोमा परि मनाङमा एकजना ट्रेकिङ्ग गाइडको ज्यान गएको छ । धादिङ जिल्लाका अजय ढकालको हिम पहिरोमा परेर ज्यान गएको जिल्ला प्रहरी कार्यालय मनाङले जनाएको छ ।
ढकालको शव शुक्रबार बेलुका फेला परेको र पोष्टमार्टमका लागि काठमाडौँ पठाइएको प्रहरीले जनाएको छ । ढकालसँगै पदयात्रामा गएका नेदरल्याण्डका पर्यटक भने अझै बेपत्ता छन् । उनीहरु दुई जना अन्नपूर्ण पदयात्रामा निस्किएका थिए ।
भिनसेन्ट ब्लुम नाम गरेका पर्यटक हराइरहेको र उनको खोजी भइरहेको प्रहरीले जनाएको छ ।
