नेप्से छैटौं दिनमा १२.५७ अंकले बढ्यो
काठमाडौं, २ असार । लगातार पाँच दिन सम्म ओरालो लागेको शेयरबजार आज छैटौं दिन तथा महिनाको दोस्रो र यस साताको चौंथो कारोबार दिन बिहीबार शेयरबजार उकालो लागेको छ ।
बिहीबार २२१ कम्पनीको ३५ लाख ९४ हजार रुपैयाँको शेयर किनबेच हुँदा १ अर्ब १८ करोड ७१ लाख ४५ हजार रुपैयाँ भन्दा बढीको कारोबार भएको छ ।
ठुला कम्पनिको उपसूचक ३.१० अंकले बढेर ३८२.०० अंकमा पुगेको छ । यो अघिल्लो दिनको तुलनामा ०.८२ प्रतिशतले बढी हो ।
यस्तै १३ समूहका कम्पनीको उपसूचक मध्ये यस दिन ११ समुहका कम्पनीको कारोबार बढेको छ, भने २ समूहका कम्पनीको कारोबार घटेको छ । जीवन बीमा र इन्भेष्टमेन्ट समुहका कम्पनीको कारोबार सामान्य अंकले घटेको हो ।
